شڪيل احمد ضياءَ

ضياءَ، شڪيل احمد: ناليوارو شاعر، ليکڪ، محقق ۽ لسانيات جو ماهر، شڪيل احمد ضياءَ، 25 ڊسمبر 1921ع تي جهانسي (يو. پي) ۾ جنم ورتو. سندس والد ناصر علي، شيخ الهند محمود حسن جو ڀائٽيو هو. شڪيل احمد عليڳڙهه مسلم يونيورسٽيءَ مان پنهنجي تعليم مڪمل ڪرڻ بعد 1934ع ۾ صحافت سان عملي زندگيءَ جو آغاز ڪيو. صحافتي ذميوارين نڀائڻ سان گڏ شاعري به ڪندو رهيو. ورهاڱي بعد خاندان سميت لڏي اچي ڪراچيءَ ۾ رهائش اختيار ڪيائين. سندس لکيل ڪتابن ۾ ‘سنڌ ڪا مقدما بجواب پنجاب ڪا مقدما’، ‘پاڪستان ڪي منظوم تاريخ’، ‘گيت مالا’ (1941ع)، ‘توريت عجم’ (1944ع)، ‘موج صبا’ (1964ع)، ‘موج گُل’ (1974ع) ۽ ‘شعلا رنگ’ (1980ع) ڇپيل آهن. هن ستين مارچ 1999ع تي وفات ڪئي، کيس ڪراچي ۾ دفنايو ويو. (حوالا: ڪرونيڪل ص 398)

داخلا ۾ استعمال ٿيل تاريخون

1921.12.25  عيسوي

شڪيل احمد ضياءَ، 25 ڊسمبر 1921ع تي جهانسي (يو. پي) ۾ جنم ورتو.

1999.03.07  عيسوي

شڪيل احمد ضياءَ ستين مارچ 1999ع تي وفات ڪئي، کيس ڪراچي ۾ دفنايو ويو.

اديب - ڀاڱي جون ٻِيون داخلائون